කොන්දේ කැක්කුම සහ තුනටියේ වේදනාවට හේතුව ඔසප් වීම හා සම්බන්ධ ප්‍රශ්නයක්ද?
වයස අවූරුදු 49 ක් වන මගේ ඔසප් වීම ක්‍රමයෙන් අඩූවෙමින් පවතී. මට නිතර කොන්දෙ කැක්කුම සහ තුනටියේ වේදනාව ඇති වේ. ඔසප්වීම සිදුවන බව දැනූණ ද, රුධිරය පිටවීමක් සිදු නොවේ. මෙසේ රුධිරය පිට නොවීමෙන් වෙනත් ආබාධ ඇතිවිය හැකිද?
පිළිතුර
වයස අවූරුදු 49 ක් පමණ වනවිට ඔසප් වීම නැවතීම ක්‍රමයෙන් සිදු වේ. මෙය කීප ආකාරයකින්ම සිදුවිය හැක. ඔබගේ ඔසප් වීම ක්‍රමයෙන් අඩූවී යාම සාමාන්‍ය දෙයකි. සමහර කාන්තාවන්ගේ සාමාන්‍ය ආකාරයෙන් මාසිකව සිදුවෙමින් පවතින ඔසප් වීම එකවරම නවතී. මේ ආකාරයෙන් ද මෙම ආර්තවහරණය සිදුවිය හැක. ඔසප් වීම සිදුවන බව ඔබට දැනෙන අවස්ථාවේ සමහර විට එය ඔසප් වීමට නොව, ශරීරයේ සිදුවන හෝමෝන වෙනස්වීම්වලින් ඇතිවන ලකෂණ විය හැක. මෙම අවදියේදී ශරීරයේ ඇති කාන්තා හෝමෝන ක්‍රමයෙන් අඩූවෙමින් පවතී. කලක් යනවිට එම හෝමෝන ශරීරයේ නැත්තටම නැතිවී යයි. මේ නිසා මෙම අවදියේදී සිරුරේ බොහෝ වෙනස්කම් සිදුවේ. මේවා සමහර විට මානසිකව ද බලපෑම් ඇති කළ හැක. ඔබ පවසන ආකාරයෙන් රුධිරය පිට නොවීමෙන් ආබාධ ඇතිවීම සිදු නොවේ. ඔසප් වීම ඇතිවීමට අප බහූලවම "ඇඟ ශුද්ධ වීම" යන වචනය භාවිත වීමෙන් අප අතර මෙම වැරදි ආකල්පය ඇතිවී ඇත. නමූත් ඔසප් වීමේදී රුධිරය පිටවීම සිදුවන්නේ ඇඟ පිරිසිදු වීමට නොවේ. ගැබ් ගැනීමක් සඳහා සූදානම් වූ ගර්භාෂ පටලය ගැලවී යෑමෙන් මෙම රුධිරය වහනය සිදු වේ. මෙම රුධිරය අපිරිසිදු රුධිරය නොවේ. කුමන හේතුවක් නිසා හෝ මෙලෙස රුධිරය ශරීරයෙන් පිටවීමක් සිදු නොවූවහොත් එය ශරීරයට හානිකර නොවේ.
ඔබගේ කොන්දේ වේදනාව සහ තුනටියේ වේදනාව ශරීරය තුළ ඇතිවන හෝමෝන අඩූවීම්වලට හේතු විය හැක. මෙම අවදියේදී මීට අමතරව වෙනත් අපහසූතා ඇති විය හැක. තදින් දහදිය දැමීම නින්ද නොයෑම සහ ශරීරයේ ඇතිවන වෙනත් ගැටලු මෙම තත්ත්වයට හේතු විය හැක. මෙම ලකෂණ තදින් පවතී නම් වෛද්‍යවරයකු මූණගැසීම සූදුසූ වන්නේ මේ බොහෝ ගැටලු වෛද්‍යවරයකු සමග සාකච්ඡා කිරීමෙන් විසඳා ගත හැකි බැවිනි. ඔබගේ තත්ත්වය ගැන හොඳ අවබෝධයක් ලබා ගැනීමෙන් ම පමණක් ඔබට එම ගැටලු මඟහරවා ගැනීමට ඉඩ ඇත.
පිළිවෙලට ඔසප් වීම සිදු නොවීම පසූකාලීන ගැටලූ මතු කරයිද?
මගේ දියණිය වැඩිවිය පැමිණ වසරක් පමණ වේ. දැන් ඇයට වයස අවූරුදු 11 කි. නමූත් තවම පිළිවෙලට ඔසප් වීම සිදු නොවේ. මෙම තත්ත්වය නිසා පසූ කලෙක ගැටලු ඇති විය හැකිද?
ඔබගේ ප්‍රශ්නයට අනූව ඔබගේ දියණිය වැඩිවිය පැමිණ ඇත්තේ වයස අවූරුදු 10 දීය. මෙය සාමාන්‍ය දෙයකි. නීරෝගී දියණියක වයස අවූරුදු 9ඃ17 ත් අතර වයසකදී මල්වර වීම සිදුවිය හැක. මල්වර වීම සිදු වූව ද, ශරීරය තුළ සිදුවන හෝමෝනවල වෙනස්කම් මේ කාලයේ දී සිදු වේ. නමූත් ඩිම්බ සම්පූර්ණයෙන්ම මෝරා නොතිබීම සාමාන්‍ය තත්ත්වයකි. මේ නිසා මල්වර වීමෙන් පසූ පිළිවෙලට මාසිකව ඔසප් වීම සිදුවිය යූතු නැත. එසේ සිදුවන අවස්ථා ඇති නමූත් සමහර දැරියන්ගේ ඔසප් වීම නිවැරදිව පිළිවෙලට සිදුවීම ආරම්භ වීමට වසර කීපයක් ගත විය හැක. ඔසප් වීම සිදුවීමට බලපාන වැදගත් සහ මූලික කරුණ වන්නේ ඩිම්බ පිටවීමයි. මෙම ඩිම්බ පිටවීම මාසිකව සිදුවන විට ඒ සමග දින 14 කට පමණ පසූ ඔසප් වීම සිදුවේ. මල්වර වීමෙන් පසූ ඩිම්බ පිටවීම ක්‍රමවත්වීමට වසර 5ඃ8 ක පමණ කාලයක් ගතවීමට ඉඩ ඇත.
ඉහත කරුණූවලට අනූව ඔබගේ දියණියගේ තත්ත්වය ඉතා සාමාන්‍ය දෙයකි. මෙම තත්ත්වය නිසා පසූවට ගැටලු ඇති නොවේ.
ඔසප් වීම සමග උදරයේ තදබල වේදනාවක් ඇති වන්නේ ඇයි?
වයස අවූරුදු 28 ක් වයසැති අවිවාහක කාන්තාවක්මි. දැනට වසර කීපයක සිට මගේ ඔසප් වීමත් සමග තදබල බඩෙහි වේදනාවක් ඇති වේ. වැඩිවිය පැමිණි අලුත මෙය තිබූණේ නැත. වේදනාව දින 5ඃ6 ක් පමණ පවතී. මේ නිසා එදිනෙදා වැඩ කටයූතු කරගැනීමට නොහැකි වේ. මේ සඳහා කිසිම බෙහෙතක් භාවිත කර නැත. එසේ කිරීම පසූවට ප්‍රශ්න ඇතිවිය හැකි බැවිනි.
ඔසප් වීම සමග වේදනාව සහ අපහසූතාවයක් ඇතිවීම සාමාන්‍ය දෙයකි. එසේ ඇති වනවිට වේදනා නාශක බෙහෙත් භාවිත කිරීමේ වරදක් නැත. ඔසප් වීම සමග ඇතිවන සූළු වේදනාවක් සහ අපහසූතාවයන් තමන්ගේ එදිනෙදා කාර්යයන් කිරීමට බාධාවක් නම් සරල වේදනා නාශක බෙහෙත් භාවිතයෙන් සහන ලබා ගත යූතුය. නමූත් ලිපියේ ඇති ආකාරයට ඔබට තදබල වේදනා ඇති වන්නේ නම් එය අසාමාන්‍ය තත්ත්වයක් විය හැක. සමහර විට රෝගී තත්ත්වයන් නිසා තදබල වේදනාව, ක්ලාන්තය ඇති විය හැක. මේවා සඳහා ඖෂධ භාවිතයෙන් මෙම තත්ත්වය පාලනය කරගත හැක. රෝගී තත්ත්වයන් ඇත්නම් එය පාලනය කිරීම පමා නොවී කළ යූතුය. පසූවට ගැටලු ඇතිවිය හැක්කේ එසේ නොකිරීමෙන් මිස, බෙහෙත්වලින් නොවේ. එබැවින් ඔබ වෛද්‍යවරයෙකු මූණගැසී ඔබගේ තත්ත්වය ගැන සාකච්ඡා කළ යූතුය.
0 comments :
Post a Comment