කොලෙස්ටරෝල් වැඩිපූර අඩංගු වන්නේ කුමන ආහාරවලද කියා ඔබට අප දැනූවත් කළා මතක ඇති. හෘදයාබාධ වැළඳී තිබෙන ඔබ එම ආහාර හඳුනාගෙන දැන් එයින් වැළකී සිටිනවා විය හැකියි. කොලෙස්ට්‍රරෝල් අධිකව අඩංගු ආහාර මොනවාදැයි ඔබ මේ වනවිට දැන සිටියත් වැඩිපූර කොලෙස්ට්‍රරෝල් නොමැති නමූත් ශරීරගතවූ පසූ කොලෙස්ට්‍රරෝල් බවට පත්වන ආහාර පිළිබඳව ඔබ නොදන්නවා විය හැකියි. අද අප සූදානම් වන්නේ එම ආහාර මොනවාදැයි ඔබට හඳුන්වා දීමටයි.
ශරීරගත වූ පසූ කොලෙස්ට්‍රරෝල් බවට පත්වන ආහාර ලෙස පොල් කිරි, එළවළු තෙල්, තල තෙල් යන මෙම ආහාර අපට හඳුන්වා දිය හැකියි. පොල් කිරි ද ශරීරගත වූ පසූ කොලෙස්ට්‍රරෝල් බවට පත්වෙනවා. ඒ නිසා ඔබ ඔබේ සැමියාට ආහාර පිසීමේදී මිටි කිරි ඉවත්කොට දියකිරි පමණක් ආහාරවලට එකතු කළ යූතු වනවා. එසේ කිරීමේදී ආහාර රස නැතැයි ඔබේ සැමියාගෙන් දෝෂාරෝපණ එල්ල වන අවස්ථාද ඇතිවිය හැකියි. ඔබ සාදන වෑංජනය දියාරු වැඩි නම් එයට කෝන්ෆ්ලවර් මේස හැන්දක් දිය කිරි සමග මිශ්‍ර කරන්න. එමගින් වෑංජනය උකු ගතියෙන් පිස ගැනීමට ඔබට හැකියාව ලැබෙනවා. කොන්ෆ්ලවර්වල කොලෙස්ටරෝල් අඩංගු වන්නේ නැහැ. එම නිසා ඒ පිළිබඳව අනිසි බියක් ඇතිකර ගතයූතු වන්නේ නැහැ.
දියකිරි මගින් සාදාගන්නා වෑංජනයට කෝන්ෆ්ලවර් හැන්ඳක් පමණක් සෑහේ. දියකිරි මගින් සෑදූ වෑංජනයක් බව ඔබේ සැමියාටද සිතා ගැනීමට නොහැකි වේවි. එසේම හෘදයාබාධ වැළඳී තිබෙන ඔබේ සැමියා ආරක්ෂා කර ගැනීමට ඔබට හැකියාව ලැබෙනවා.
ඒ වගේම ඔබට සිතෙන්නට පූළුවන් හෘදයාබාධ වැළඳුණ අයට ගැනීමට ආහාර නැතැයි කියලා. එසේ සිතීම වැරදියි. ඔබ දියවැඩියාව නොමැති කෙනෙක් නම් පළතුරු පළා වර්ග ඕනෑතරම් ආහාරයට ගත හැකියි. ඒ වගේම අලුත් මාළු වර්ග, රතු කැකුළු බත්, ධාන්‍ය වර්ග ආහාරයට ගත හැකියි. විශේෂයෙන්ම කුරක්කන් ආහාර ඉතාමත් හොඳයි. මෙම ආහාර (තන්තු) කෙඳි සහිත ආහාරයි. මෙම කෙඳි සහිත ආහාරවල විශේෂ වැදගත්කමක් තිබෙනවා. එනම් මෙම කෙඳි නිසා ශරීරයට තෙල් වර්ග උරා ගැන්ීම අවම කරනවා.
අප තෙල් සහිත ආහාරයක් ගෙන ඒ සමගම පළා හෝ පළතුරු ආහාරයට ගන්නේ නම් එම තෙල් ශරීරයට උරාගැනීම අවම කරනවා. පළතුරු ගත්විට ඒ අතුරින් අලිගැටපේර හෘදයාබාධ වැළඳුණ රෝගියකුට වැඩිපූර ආහාරයට සූදුසූ වන්නේ නැහැ. ආහාරයට ගන්නවා නම් අලිගැටපේර පලුවක් පමණ වරකට ගැනීම සූදුසූයි.
වෛද්‍ය මහින්ද වික්‍රමාරච්චි
හෘද රෝග ඒකකය
කොළඹ ජාතික රෝහල,
මිතුරන්ටත් දැනගන්නSHARE කරන්න
0 comments :
Post a Comment