ගැබිණි මවූවරුන්ට ඇතිවන රෝගාබාධ අතරින් දියවැඩියාව රෝගයට විශේෂ තැනක් හිමි වෙනවා. එයට හේතුව දියවැඩියා රෝගය ඇතිවීමේ වැඩි ප්‍රවණතාවක් වර්තමානයේ දකින්නට ලැබීමයි. එයට හේතුවක් ලෙස ආහාරවල පාලනයක් නැතිකම දක්වන්නට පූළුවන්.
මෙයට පෙර දියවැඩියා රෝගයෙන් පෙළුණූ අය කලාතුරකින් හමූවූවත්, වර්තමානයේ බහූල වශයෙන් තරුණ පිරිස අතර දියවැඩියා රෝගය දක්නට ලැබෙනවා. දියවැඩියාවෙන් පෙළෙන තරුණ කාන්තාවන් ගැබ්ගැනීම නිසා, ගැබිණි මවූවරුන් අතරත් දියවැඩියා රෝගය ඇති බව අපට වටහා ගන්නට පූළුවන්.
මෙය මූළු ලංකාවටම බලපාන ප්‍රශ්නයක්. වැඩි වශයෙන්ම නාගරික ප්‍රදේශවලින් දියවැඩියා රෝගීන් වාර්තා වීමත් විශේෂයි. වර්තමානයේ ජීවන රටාව, විශේෂයෙන් කෑම නිසා මේ තත්ත්වය බහූලවන බවයි පිළිගෙන තියෙන්නේ.
දියවැඩියාව හා ගර්භනී බව ගැන කතා කරන කොට එහි කොටස් දෙකක් හමූවෙනවා. එකක් තමයි දියවැඩියා රෝගය තියෙන රෝගියෙකුට බබෙක් ලැබෙන්නට සිටීම. අනෙක තමයි ගර්භනී කාලය තුළදී දියවැඩියාව ඇතිවන්නට හැකියාවක් තිබීම.
දියවැඩියාව ඇති වූ තරුණ පිරිස රෝගය පාලනය කිරීම සඳහා ඖෂධ ලෙස පෙති පාවිච්චිය බොහෝ විට සිදු කෙරෙනවා. ඇතැම් අය ඉන්සියූලින් ලබා ගන්නවා. පෙති හෝ ඉන්සියූලින් යන කුමන මාධ්‍යකින් ඖෂධ ලබා ගත්තත් දරුවෙක් සෑදීමට බලාපොරොත්තු වන කාන්තාවක් තමා ප්‍රතිකාර ලබන වෛද්‍යවරයා හමූවී ඒ ගැන සාකච්ජා කිරීම ඉතාම වැදගත් කටයූත්තක්. වෛද්‍යවරයා හමූවී ඔබ දරුවෙක් සෑදීමට සූදුසූ තත්ත්වයක සිටිනවාද යන කාරණය ගැන පැහැදිලි පිළිතුරක් ලබා ගැනීම ප්‍රථමයෙන්ම කළ යූතු කටයූත්තයි. එය ඉතාම වැදගත්. ඒ ඇතැම් දියවැඩියා රෝගීන්ට ඇතිවන සංකුලතා විශේෂයෙන් වකුගඩූවල, ඇස්වල සංකූලතා ඇති අයට වෛද්‍යවරු අවවාද කරනවා දරුවන් හදන්නට එපා, මේ තත්ත්වයන් තවත් වර්ධනය වන්නට පූළුවන් කියලා. ඒ නිසා පළවෙනිම කාරණය ලෙස, තමා ප්‍රතිකාර ලබන වෛද්‍යවරයා හමූවී පරීක්ෂාවක් සිදු කරවාගෙන, අවශ්‍ය කරුණූ දෑන ගැනීම ඉතාමත් වැදගත්.
වෛද්‍යවරයා ඔබ දරු පිළිසිඳ ගැනීමකට සූදුසූ තත්ත්වයේ සිටින බවට නිගමනය කළොත්, ඔබ අනූගමනය කළ යූතු ක්‍රියා මාර්ග තිබෙනවා. ප්‍රධාන වශයෙන්ම අප මූලින් ලිපිවල සඳහන් කළ ආකාරයට ෆෝලික් අම්ලය අනිවාර්යෙන්ම ගත යූතුයි. මන්ද, සහජයෙන් ඇතිවන අසාමාන්‍යතා සහිත (කදබටැබසඒක ්ඉබදරප් කසඑසැි) දරුවන් දියැඩියාව සහිත මවූවරුන්ට ඉපදිය හැකිය. එය වළක්වා ගැනීමට ෆෝලික් අම්ලය ඉතාමත් ප්‍රයෝජනවත් වේ. අපි මූලින් සඳහන් කළා තරුණ පිරිස දියවැඩියාවට ඖෂධ ලබා ගන්නේ පෙති වශයෙන් බව. ඒ නිසා බොහෝ දෙනෙක් අහනවා අපි අනිවාර්යෙන්ම ඉන්සියූලින් වලට මාරුවිය යූතු ද බබෙක් පිළිසිඳ ගන්නට ප්‍රථම කියලා. එය අවශ්‍යම නැහැ. දරුවෙක් පිළිසිඳ ගත් බව දෑනගත්තට පස්සේ ඉන්සියූලින්වලට මාරුවීම ප්‍රමාණවත්. එයට පෙර ඉන්සියූලින්වලට මාරුවූවත් කොපමණ කාලයකින් දරුවෙක් පිළිසිඳ ගනීවිදෑයි නොදන්නා නිසා ඊට පෙර මාරුවීම අවශ්‍ය නැහැ.
මූත්‍රා පරීක්ෂාවකින් දරු පිළිසිඳ ගැනීමක් සිදු වී ඇති බව දෑනගත් වහාම හැකි ඉක්මනින් ප්‍රසව හා නාරි රෝග විශේෂඥ වෛද්‍යවරයෙකුගේ සායනය කට සහභාගි විය යූතුය. මෙවන් රෝගියෙක් ගමේ තිබෙන සායනයකට හෝ සාමාන්‍ය මාතෘ සායනයකට සහභාගි වීම ප්‍රමාණවත් නැහැ. විශේෂඥ වෛද්‍යවරයෙකු බොහෝ විට සිදුකරන්නේ රෝගියාව රෝහලේ නතර කරවාගෙන ප්‍රතිකාර කිරිමයි. එහිදී රුධිරයේ සීනි ප්‍රමාණය පාලනය කිරීමට ඉන්සියූලින් ලබා දෙනවා.
දකුණූ කොළඹ (කළුබෝවිල) මහ රෝහලේ
ප්‍රසව හා නාරිරෝග විශේෂඥ වෛද්‍ය අජිත් රාජපක්ෂ
0 comments :
Post a Comment