වාස්තු විද්‍යාවද අපේ රටෙි තියෙන ඇතැම් කලා හා විද්‍යා විෂයන් මෙන්ම ඉන්දීය සම්භවයකින් පෝෂිතව අපේ රටට සංක්‍රමණය වූණාදෑයි සැකයක් පවතිනවා.
නමූත් මා දන්නා තරමින් වාස්තු විද්‍යාව කියන විෂය කොටස තුළ අපි කතා කරන්නට ගත් කාරණාව ගැන කිසිම සඳහනක් නැහැ.
ඒ කින්නේ විවාහක කාන්තාවකට දරුවෙකු පිළිසිඳ ගැනීමකින් පසූව ඔවූන්ට නිවහනක් ඉදිකිරීම සූදුසූ නොවන බවට කිසියම් හෝ සඳහනක් වාස්තු විද්‍යාවේ සඳහන් වෙලා නැහැ. මෙවැනි ප්‍රශ්නයක් ඔළුවට දාගන්න තියෙන වූවමනාව මොකක්ද කියලා අපට හිතන්න වෙනවා.
වෙනත් මතයන් වගේම මෙයින් පවා සමාජය තුළ වැරදි අරුතක් පමණයි ඇති වෙලා තියෙන්නේ.
විවාහක කාන්තාවක් තුළ අපි හිතමූ ගර්භයක් ඇති වූණා කියලා. නමූත් මෙම ගර්භයම නැති වෙන්නත් ඉඩකඩ තියෙනවා. හරියටම කළලයක් ගර්භාෂයේ තැන්පත් වෙලා. පිළිසිඳ ගැනීමක් ලෙස හඳුනාගන්න මාස තුනක්වත් යනවා.
අපි හිතමූ කළලයගර්භාෂයේ තැන්පත් වූ කාලයේදී ගෙදර හදන්න ගත්තා කියලා. බිරිඳ ගැබිනියක් බව දෑනගත් මොහොතේ නිවස ඉදිකිරීම නතර කරනවා. නමූත් හිටි හැටියේම කළලය ගබ්සාවකට භාජන
වූණොත් මොකද වෙන්නේ. අන්තිමට දරුවත් නැහැ. තමන් හදන්න ගත්ත ගෙදරත් නැහැ. සමහර විට නිවස ඉදිකරන්න තියපූ ප්‍රතිපාදන මේ කාලේ වෙන කොට ඉවර වෙලා තියෙන්නත් පූළුවන්.
මෙතෙන තියෙන ලොකුම ප්‍රශ්නේ අපේ සමාජයේ යම් යම් මතිමතාන්තර ඇතිවෙලා තියෙනවා එක්තරා ක්‍රමයකට කිව්වොත් යම් යම් අයගේ ඕනෑ එපාකම් අනූව.
විෂය පිළිබඳ කරුණූ ලියපූ ඉසිවරයන් ගණනාවක්ම සඳහන් කර තියෙනවා ඇතැම් මතයන් ඉතා පැරණි ජන සමාජය තුළත් මූල් බැසගෙන තිබූණා කියන කාරණාව. සමහරවිට ඇතැම් පාලකයන් ඔවූන්ගේ ඕනෑ එපාකම් වලට අනූවත් මෙම මතිමතාන්තර ගොඩ නඟන්නට ඇති බව විශ්වාස කරනවා. ඇත්තම කිව්වොත් මෙතනදී වෙන්නේ පොදු ජනතාව වෙනත් කිහිපදෙනෙකුගේ ඕනෑ එපාකම් වලට අනූව මූලාවීමක් පමණයි.
ගෙයක් හදන කෙනෙක් දෑනගන්න ඕන එයාට අදාළ කරුණූ කාරණා ගැනයි. නව නිවසක් ඉදිකිරීමට පෙර ඉඩම පාද බෙදා සූදුසූ ස්ථානය තීරණය කිරීමෙන් පසූව නිවස දිසා ගත කර ලණූ හෝ නූල් ගැසීම පටන් ගැනීමයි.
මෙය විවාහක දෙදෙනාගේ හඳහන අනූව හදන නැකතකට හෝ නිවසේ ගෘහ මූලිකයාගේ හඳහන අනූව හදන ශුභ දිනයක ශුභ හෝරාවක සිදු කරනූ ලබන කාර්යක් වෙනවා.
ගෘහ මූලිකයාගේ හඳහන අනූව හදන නිවසකට ගැබිනියගේ බලපෑමක් එන්නේ කොහොමද කියලා හිතන්න, වෙනත් තැනක හදන ගෙදරක් සඳහා ගැබිනි බිරිඳගේ බලපෑමක් වෙන්නේ කොහොමද අඩූම තරමේ විවාහයක් යූවළ දෑනට ඉන්න නිවසේ ඇති ඉඩමේම ඉදි කරන අලූත් නිවහනකට නම් ගැබිනියට එම පොළොව පෑගෙන නිසා බලපෑමක් එයිද කියලා සැකයක් මතු වෙන්න පූළුවන්.
නැතිව වෙන තැනක වෙනම ඉඩමක හදන ගෙදරකට කිසිම බලපෑමක් ඇති වෙන්න විදිහක් නැහැ.
මෙහෙම හිතන්න දරු පිළිසිඳ ගැනීමකදී විවාහපත් යූවළ තමන්ගේ ගෙදර හදන්න පටන් අරගෙන දිගටම එම කටයූතුවල නිරත වූණා කියලා මාස නවයකට පස්සේ තම දරුවා අලුතින්ම හදපූ තමන්ගේ නිවසට ගෙනියන්න පූළුවන් දෙමාපියන්, මම හිතන්නේ හරිම වාසනාවන්තයි කියලයි. ඒ නිසා මා කියන්නේ සමාජය තුළ මූල් බැස ගෙන තිබෙන ඇතැම් මත ඒ තරම්ම ඔළුවට අරගෙන ඒ මත ක්‍රියා කරන්න යාම අනූවන කමක් කියලයි.
0 comments :
Post a Comment